Jugend und Kultur

Armer Mond

Wie ich mir neili in der Nacht
hob su den guten Mond betracht,
und hähr goar nu die Musik spil'n,
des Lied vom Mond, der drobn in still'n
und leis su durch die Wolken gäht,
vor mir a andäers Bild aufstäht,
sich wie a Raumschiff af ihm land,
des doaa, mit a poar Leit bemannt,
die kaum, daß drauß a Baa rausgstreckt,
hem scho in Stab ihr Foahna gschteckt;
des Eck käert uns, su här is drobm
und niemals solls a andrer hobm,
doch mit der Zeit da kumma mähr,
boall fliegens vo West boall Osten här,
und wie sis drunten praktiziern
sich etza a doa obm auffihrn,
fanga es streitn u und schlog'n,
statt das mitnanda sich vertroagn.
O armär Mond! Gut daßt nit waßt,
wos doch af dich nu oalles paßt.

Georg Reichert